ရှက်ခမန်းလိလိ ၁၅ မိနစ်

စကားတွေဟာ အမြှုပ်တွေလိုပဲ

အဲဒီ အချိန် အခိုက်၊ အကန့်လေးကို

ဖြစ်နိုင်ရင် လှီးထုတ်ပစ်လိုက်ချင်မိတယ်

မွေးညှင်းတစ်ချောင်းချင်းစီအပေါ်မှာ

နာကျည်းမှုဟာ ဝေပုံကျစေးကပ်သွားတယ်

ပြန်ပြောပြစရာဘယ်လိုမှမကောင်းတဲ့ [ပုံဝတ္ထု]

‘ရှင့်မှာ ဘာအထင်ကြီးစရာကျန်သေးလို့လဲ’

စာသားများ၊ အသံထွက်များ၊ လေယူလေသိမ်း

ယိုင်ထွက်သွားသော ယူကလစ်ပင်မှ အဖေးဖတ်

ခုနှစ်တွေထဲ ၀မ်းလျားထိုးပေးခဲ့ရတဲ့ ချစ်မြတ်နိုးခြင်း

စားပွဲထိုးက ညစ်ပေနေတဲ့အ၀တ်နဲ့သုတ်ချသွားသလို

မှောက်မှောက်အမှားမှား ခြေလှမ်းတွေရှပ်တိုက်မြည်ခဲ့

တင်န်းပနီးစ်ကို နောက်ထပ်တစ်ခါရောက်ဖို့ဆိုတာက

အကာသယာဉ်နဲ့လပေါ်လိုက်ဖို့လောက်အထိဝေးသွား

ခဲ့ပါပြီ ဘာပဲဖြစ်ဖြစ် အားလုံးကို ကျေးဇူးတင်ကျေနပ်မိ။ ။

ခင်အောင်အေး

၁၁ ဇန္န၀ါရီ ၂၀၁၄ ဖရာ့ပရာဒင်န် ဘန်ကောက် ၈း၂၄ နာရီ