ခင်ဗျားအရင် ချရေးလိုက်တဲ့အပေါ်
ကျနော်လိုက် ဖတ်တယ်
စာလုံးပေါင်းတယ် မိုက်ခရိုဝေ့ဖ် မီးဖိုထဲ
ထည့်ပေါင်းတယ် ဂဏန်းပေါင်းစက်တလုံးနဲ့
ပေါင်းကြည့်တယ် ဂငယ် ဟာ ဃ ကြီးကို
နငယ်ဟာ ဏကြီးကို တ၀မ်းပူဟာ နငယ်ကို
မဆီမဆိုင် ရည်ညွှန်းချက် တခုဆီ အဲ့ဒီ
ကျသင့်ငွေ Bill စာရွက်ကို ပို့လိုက်
ပန်းကန်ထဲမှာ မြည်းလက်စ ဟင်းဖတ်တွေနဲ့
ချက်လုပ်လက်စ သဒ္ဒါပျက် ၀ါကျတွေ
ယုန်သားစားချင်တယ်ဆိုပြီး သူ့ကို ယုံလိုက်
ရာက စားပွဲရုံထဲမှာ အရှက်ရခဲ့တဲ့ အဖြစ်
အပျက်တစ်ခုလို ငါတို့ အလံတွေ လွှင့်ထူ
တယ် သမိုင်း လို့အော်ပြီး စာသားတွေ ချရေး
ကြတယ် ထိုးကြွေးလိုက်ရတဲ့ ဘ၀ရဲ့ အစိတ်
အပိုင်းတစ်ခုမျှသာ သွားကြားထိုးတံ တစ်ချောင်း
စိုက်လျက် ရေခဲမှုန်ကလေးတွေက ပျော်ကျစ
ပြုလျက် ကဒ်ပြားပေါ်မှာ ပြင်သစ်ဘာသာနဲ့ပုံနှိပ်
စာလုံးတချို့ တကမ္ဘာလုံးရဲ့မြေပုံ(ဘီစီ ၈၉၉၁ ခန့်)
အချိုးအစားအတိုင်း ကဗျာအပေါ်မှာ အားလုံး ပုံချ
လိုက်ဖို့။ ။
ခင်အောင်အေး
၃၀၊ ဇူလိုင်၊ ၂၀၁၂ ဖရာ့ပါရာဒင်၊ ဘန်ကောက် ၂၁း၃၄ နာရီ
လူများ၊ သက္ကရာဇ်များ-ကဗျာ 